Honor of Kings
Honor of Kings (basa Cèng'im: hurup Tionghoa Ringkes =王者荣耀; hurup Tionghoa Ribet=王者榮耀; cara baca=Wángzhě Róngyào, ditarjim dengen cara nyeng ga' kelima entu jadi "King of Glory" atawa kalo dituker hurup jadinya Wangzhe Rongyao) nya'entu gim delengan nyeng dipernain di atu tempat berantem nyeng dipaènin ama banyak pemaèn nyeng dipenggarin ama TiMi Studio Group terus ditongtodin ama Tencent Games bakal platform pesawat iOS ama Android.
Mulain nongtod
[permak | permak sumber]Mula-mualinnya ditongtodin di Tiongkok pas tanggal 26 Nopèmber 2015, ni gim delengan uda jadi atu gim MOBA nyeng paling nyambung di tu negeri. Ni gim delengan di sadur secara antèrobangsa judulnya Arena of Valor nyeng ditongtodin tanggal 12 Oktober 2016 di Taiwan; dia maké mesin gim delengan nyeng sama cuma rancangan telampangnya sama palawannya banyak dirobah bakal ngakomodir pasar Kulon.
Pas bulan Juni 2022, Level Infinite, penerbit Arena of Valor, ngumrupin kalo Honor of Kings bakal ditongtodin hatu dunia di buntut taon 2022.[1] Pas bulan Mèi 2024, penongtodannye di kabèhan dunia diumrupin pas tanggal 20 Juni 2024, abis pra-nongtodnya di Brasil ama Turki serènta negara-negara di Wètan-Tenga, Aprika Lor, ama Pesema'muran Negara-Negara Merdéka (Negara bekasnya pecahan Majelis Rempug).[2]
Singgetan soal gim delengannya
[permak | permak sumber]
Honor of Kings entu gim delengan nyeng dipernain di atu tempat berantem nyeng dipaènin ama banyak pemaèn (MOBA) nyeng atu puterannya entu dipaènin selama 15 ampé 20 menitan. Bakal maèn ni gim delengan perlu maké rèkening Tencent QQ atawa WeChat. Ngejunterungin pembaruan pas tanggal 24 Sèptèmber 2020, hatu pemaèn bolé nambain kongco atawa ngundang orang-orang deri laèn platform bakal maèn juga'.[3]
Honor of Kings jadi gim delengan tèlèpon pesawat nyeng paling tinggi nomer dua seantèro dunia, dengen $218,5 juta bakal boléannya, nyeng ngewakilin 57,2% penjembaran taonan mulain bulan Pèbruari 2020. Bangsa 95,6% deri Honor of Kings boléannya deri Tiongkok, diterusin 1,6% deri Muang-Tay[4]
Sejarah
[permak | permak sumber]Tencent nyedèk Riot Games jadi anak kongsi wayan taon 2015.[5] Tencent nyuhun dia pada bakal ngeja League of Legends pèrsi pesawat, lantaran gim delengan tempat berantem nyeng dipaènin ama banyak pemaèn (MOBA) bener-bener jarang cenggableg di peranti pesawat pas tu wayah.[6] Tencent pingin mangpaatin kans bakal nggedéin pasar pesawat nyeng kurang dikasi layanin.[7]
Cuman, Riot Games nolak lantaran peranti pesawat sokanan ora gableg dilongok jadi platform bakal gim delengan nyeng ada lomba-lombanya, junterungin dia punya pikir "gameplay" deri League of Legends kadanan ditironin ke tèlèpon pesawat. Cumanan entakanuh ditolak, TiMi Studio (nyeng juga jadi Tencent punya kongsi) terusannya nyenggarin atu gim delengan MOBA nyeng pas ama hajat pemaké tèlèpon pesawat, jadinya ngelantaranin persaingan dalem kongsi.[8]
Pas 18 Agustus 2015, TiMi Studio nguarin League of Kings (tarjiman deri 王者联盟; Wángzhě Liánméng) jadi atu gim delengan MOBA nyeng gableg dipaènin di tèlèpon pesawat. Cumanan, kurang disukain ama orang-orang punya lantaran mangkanya League of Kings dibuang bakal dirombak terus ditongtodin lagi pas bulan Oktober 2015. TiMi Studio maké League of Legends bakal jadi tulad dasar bakal ngerombak League of Kings, mangkanya entu gim delengan dua-duanya ada punya banyak ihwal nyeng seroman. League of Kings juga' nerapin tuladan gim delengan lima lawan lima, soalnya entu gim delengan duluannya ada punya ditanggepin jelèk kalo gagasannya tiga lawan tiga.[9][10]
Cuman entu punya lantaran, Tior Games nganggep kalo rancangan toko ama kuasa di League of Kings "terang-terangan ngerusak banda bolé mikir deri League of Legends" abis dia pada nauin cara tu gim delengan dikeja terus dilaporin, dah, tu kekawatirannya di Tencent.[11] Tencent njawabin kalo dia pada bakal ngerobah gim delengannya sendèwèk bakal dijualin jadi penjajalan kendiri nyeng ga' ada junterungannya ama League of Legends. Entakanuh entu punya lantaran, League of Kings uda boléin kesohoran nyeng gedé di Tiongkok pas wayah gini lantaran tu gim delengan dii'lanin jadi "League of Legend pèrsi tèlèpon pesawat" liwat wasilah silaturahmi ama pemasaran deri mulut ke mulut orang ke orang.[12]
Tencent ngerasa uda telat bakal ngelakonin perobaan nyeng gedéan bakal dia punya gim delengan. Cuma perobahan penting nyeng dilakonin baé, terus gim delengannya uda dirobah namanya deri League of Kings (王者联盟; Wángzhě Liánméng) jadi Honor of Kings (王者荣耀; Wángzhě Róngyào) pas tanggal 26 Nopèmber 2015 (nyeng ditengerin jadi tanggal penongtodan rasmi). Penongtodan antèrobangsa Honor of Kings dibatalin; kebalikannya, tu gim delengan diganti mèreknya terus ngasi tempo soal isi nyeng béda bakal pasar di luar Tiongkok Daratan. Ni ihwal ngeja kebentuknya Arena of Valor, sebagé waroan bakal sambatan Riot Games bakal "kemungkinan pelanggaran banda bolé mikir".[12]
Arena of Valor dikabarin ngelantaranin ubungan dagang nyeng panas antara Riot Games ama Tencent. Mingkinan panas tu ubungan wayah Tencent maké pemaèn nyeng kesohor deri League of Legends bakal ngumrupin Arena of Valor ama lomba gerak badan lèsteriknya.[13] Entakanuh entu punya lantaran, Riot Games nyiratin kalo dia pada punya ubungan ama Tencent masing kuat terus berantem-berantemannya serènta dia pada punya gim delengannya cuma "antuman di jalan" baé.[12]
Riot Games buntutannya ngakuin kemungkinan pasar tèlèpon pesawat bakal gim delengan nyeng dipernain di atu tempat berantem nyeng dipaènin ama banyak pemaèn (MOBA games) terus ngakurin bakal nyembarin judul tèlèpon pesawat bakal League of Legends. Terusannya, Tencent nangguin rencana pemasaran Arena of Valor di Èropa ama Amrik Lor dulu sebentaran wayah pas taon 2019, ngasi sela bakal pengumrupan Riot Games berapa bulan terusannya.[14] Riot Games ngumrupin dia sendèwèk punya gim delengan MOBA, League of Legends: Wild Rift pas tanggal 16 Oktober 2019 nyeng bepas-pasan ama ulang taon 10 taonnya League of Legends.[15]
Macem-macem serangan
[permak | permak sumber]Serangan awak
[permak | permak sumber]Ni serangan jadi nyeng paling umum di ni gim delengan nyeng keliatan deri nomer serangannya. Serangan awak bisa ditangkis ama tamèng.
Serangan santèt
[permak | permak sumber]Ni keliatan deri nomer serangan nyeng warna ungu. Serangan santèt bisa ditangkis ama penulak santèt.
Serangan bogem mentah
[permak | permak sumber]Ni entu serangan nyeng parah dengan percepè', ni bisa jadi serangan awak, santèt, atawa èlmu It deals massive damage in crit chance (percentage %); it can be physical, magical or true damage.
Serangan èlmu
[permak | permak sumber]Ni entu serangan nyeng paling sakit. Ni serangan ga bisa ditangkis ama tamèng, cuman bisa ditangkis ama èlmu tulak atawa keboléan baé.
Ruju'an
[permak | permak sumber]- ↑ Parrish, Ash (2022-06-07). "Honor of Kings to get a global release". The Verge. Diarsipin deri nyang asli tanggal 2022-12-07. Dipungut 2022-11-19.
- ↑ Sheehan, Gavin (18 May 2024). "Honor of Kings Continues Global Rollout To New Areas In June". Bleeding Cool. Dipungut 21 May 2024.
- ↑ Arora, Karanveer Singh (2020-11-02). "Honor of Kings becomes the most popular mobile game globally: Everything to know about it". The Indian Express. Diarsipin deri nyang asli tanggal 2022-08-21. Dipungut 2022-11-19.
- ↑ "Top Grossing Mobile Games Worldwide for February 2021". March 2021. Diarsipin deri nyang asli tanggal 2022-09-17. Dipungut 2022-11-19.
- ↑ Frank, Allegra (2015-12-16). "Riot Games now owned entirely by Tencent". Polygon. Diarsipin deri nyang asli tanggal 2019-04-07. Dipungut 2022-11-19.
- ↑ Henry Reeve (2014-11-10). "Ex-Riot Games Developers Bring Vainglory MOBA to iOS". eTeknix (dalem basa Inggris (Britani)). Diarsipin deri nyang asli tanggal 2021-02-09. Dipungut 2022-11-19.
- ↑ "虚荣的倒下，证明了手游只适合王者荣耀模式，点触操作不适合手游" [The fall of Vainglory proves that mobile games are only suitable for the King of Glory mode]. www.163.com. Youth Esports Club. 2020-12-10. Diarsipin deri nyang asli tanggal 2023-10-22. Dipungut 2023-09-22.
- ↑ Jao, Nicole (2020-06-22). "Tencent: Dog-eat-dog Gaming Empire". Tech In Asia. Diarsipin deri nyang asli tanggal 2021-02-04. Dipungut 2022-11-19.
- ↑ Ye, Josh (2021-01-04). "Before 'Honor Of Kings' became the world's most popular game, it was a desperate experiment". The Star. Diarsipin deri nyang asli tanggal 2021-01-04. Dipungut 2022-11-19.
- ↑ Ye, Josh (2021-01-02). "Before Tencent's Honor of Kings went viral, it was a desperate experiment". South China Morning Post. Diarsipin deri nyang asli tanggal 2021-01-29. Dipungut 2022-11-19.
- ↑ Custer, Christopher (July 27, 2016). "China top mobile game is a complete League of Legends ripoff". Tech in Asia. Diarsipin deri nyang asli tanggal July 11, 2021. Dipungut July 29, 2018.
- ↑ a b c Mickunas, Aaron (2018-08-13). "Riot's relationship with Tencent has reportedly been strained over declining profits and mobile games". Dot Esports. Diarsipin deri nyang asli tanggal 2020-10-27. Dipungut 2022-11-19.
- ↑ Batchelor, James (2019-06-05). "Tencent reportedly gives up on Arena of Valor". GamesIndustry.biz. Diarsipin deri nyang asli tanggal 2021-01-10. Dipungut 2022-11-19.
- ↑ Nuruljihad, Andy (2020-11-05). "League of Legends: Wild Rift enters the mobile MOBA arena". Gamesforum. Diarsipin deri nyang asli tanggal 2021-01-14. Dipungut 2022-11-19.
- ↑ Webster, Andrew (2019-10-15). "League of Legends coming to mobile". The Verge. Diarsipin deri nyang asli tanggal 2021-11-30. Dipungut 2022-11-19.