Helvy Tiana Rosa
Dr. Helvy Tiana Rosa, S.S., M.Hum. (brojol 2 April 1970) nya'entu sastrawan èn tukang gencer baca deri Indonésia. Karya pertama nyang diasilin entu cerita pendek judulnya "Ketika Mas Gagah Pergi (KMGP)" taon 1993 nyang diterebitin di majalah Annida. Selang 18 taon (taon 2011), eni cerita pendek diterebitin dalem versi roman nyang ngegabungin cerpen lanjutannya taon 1997 nyang judulnya "Lelaki Tak Bernama" èn udah dicetak ulang 38 kali. Selaèn KMGP, namanya juga kesohor deri karya-karyanya nya'entu puisi, cerita pendek, romen, drama, dan èsai sastra nyang dimuat di media massa.
Jadi tukang gencer baca, Helvy juga pendiri Forum Lingkar Pena (FLP), Teater Bening, èn turut ngebesarin Majalah Annida. Ia juga aktip ngikut banyak organisasi nyang berhubungan ama sastra dan bacaan, kaya Sekretaris Dewan Kesenian Jakarta (2003) èn Anggota Komite Sastra Dewan Kesenian Jakarta (2003-2006), jadi Anggota Majelis Sastra Asia Tenggara (2006-2014), Anggota Komisi Seni Budaya Islam, Majelis Ulama Indonesia (2011-2020), èn sekarang jadi Wakil Ketua Lembaga Seni Budaya èn Peradaban Islam MUI.
Helvy kelarin Sarjana Sastra di Fakultas Sastra, Universitas Indonesia, pendidikan Magister Humaniora di Fakultas Ilmu Budaya, Universitas Indonesia, èn dapetin gelar doktor di bidang Pendidikan Bahasa dari Universitas Negeri Jakarta. Sejak taon 2005 dia resmi ngabdi jadi dosen di Fakultas Bahasa èn Seni, Universitas Negeri Jakarta. Selaènn jadi dosen, taon 2015 Helvy mulain gawènya jadi Produser lewat film Ketika Mas Gagah Pergi nyang diambil deri karya pertamanya.