Habiburrahman El Shirazy
Habiburrahman El Shirazy, nyang biasa dipanggil Kang Abik, nya'entu atu tukang tulis novel, ustad, ama sutradara nyang bekèn banget di Indonésia. Dia lair di Semarang, tanggal 30 Sèptèmber 1976. Kang Abik sekolanya jauh, di Uniwersitèt Al-Azhar di Kairo, Mesir.[1] Nah, enni, nih, nyang bikin gaya tulisan-tulisannya jadi béda èn banyak ngaruhnya. Dia kesohor banget sebagé orang nyang kali pertama bikin gènré fiksi Islam. Isinya campur-campur, ada dakwah, ada kisah cinta-cintaan, ama nilai-nilai moral nyang bagus.
Novel dia nyang bikin hèboh èn bener-bener ngubah peta sastra Indonésia itu Ayat-Ayat Cinta (2004).[2] Novelnya laku banget, pas dijadiin pilem juga' sukses gedé-gedéan. Novel-novel dia nyang laén begitu juga', laris manis kaya' Ketika Cinta Bertasbih[3] ama Bumi Cinta.[4]
Gaya nulis Kang Abik entu mantep, isinya banyak konplik batin, ngegambarin tempat ama budayanya juga' jeli, tambah lagi ada ma'na nyang 'dalem' deri sisi spiritualnya. Mangkanya, novel dia bukan cuman enak dibaca bakal hiburan, tapi juga' bikin orang jadi terang pikirannya (dapet pencerahan).
Selain sibuk bikin karya, dia juga' aktip banget ngasih dakwah ama bikin komunitas literasi (komunitas bakal orang-orang nyang seneng baca ama nulis).
Ruju'an
[permak | permak sumber]- ↑ http://azharegypt.edu.eg/ diakses tanggal 16 November 2025
- ↑ https://id.wikipedia.org/wiki/Ayat-Ayat_Cinta_(novel)
- ↑ https://id.wikipedia.org/wiki/Ketika_Cinta_Bertasbih_(novel_roman)
- ↑ https://www.gramedia.com/best-seller/review-novel-bumi-cinta/ , Gramedia. diakses tanggal 16 November 2025