Guru Gembul (brojol 1985)^[1] ntu dia atu aktipis, tukang kritik, guru, ama tukang bikin dedelengan kongten deri Indonesia, nyang kesohor gegara dia punya dedelengan kongten ngomong dèwèkan perkara èlmu ama pilsapat di YuTub. Guru Gembul ntu cuming nama bo'ong dia, nama benernya kaga' ada nyang tau. Segableg nyang ngaku-ngaku nyaho ama dia punya nama bener, bangsa "Johan Riyadi", lah, "Jafar Rohadi", lah, "Jafar Riyadi", lah, tapi dia kaga ada ngaku kalo ntu-ntu dia punya nama betul. Dia ntu jebolan Universitas Pendidikan Indonesia (UPI) Bandung.^[2]

Getolan Perkara Sekolaan

Biar kata ntu Guru Gembul suka nyeleneh, dia getol banget perkara sekolaan. Buktinye, dia perna dipercaye jadi tukang direktur Boemi Matahari di Bandung.^[3]^[4]

Rame-Rame Perkara

Gawe Buku Kaga Ada Ruju'annya Acan

Guru Gembul perna bikin perkara ampé ramè dikritik ama orang-orang gegara dia gawe buku ngga ada ruju'annya acan. Ntu dia punya buku judulnya "50 Muslim Paling Berpengaruh dalam Sejarah Peradaban Islam - Sejarah Islam yang Disembunyikan" juga kaga ada daptar poto nyang dipake dalem ntu buku, padahal dia masupin Antoine Jean Gros, tukang gambar deri Prasman, punya gambar deri koleksi Musée de l'Histoire de France. Tapi ntu gambar mala diberi jembrengan "Lukisan Napoleon ketika menaklukan mesir". ^[5]

Ruju'an

[:0-1] ttps://www.tribunnews.com/regional/2024/10/14/sosok-guru-gembul-viral-kalah-debat-usai-dirujak-muhammad-nuruddin-terungkap-latar-belakangnya

[2] ttps://isolapos.com/2016/05/sesuaikan-pendidikan-dengan-potensi-anak/

[3] ttps://isolapos.com/2016/05/solusi-dan-metode-baru-lewat-pendidikan-alternatif/

[4] ttps://www.purwakartaonline.com/trending/42513769339/johan-riadi-nama-asli-guru-gembul-sudah-lama-kritis-terkait-sistem-pendidikan

[5] ttps://jatimtimes.com/baca/322809/20241014/091000/siapa-guru-gembul-konten-kreator-kontroversial-yang-disebut-tanpa-referensi/

[1]

[2]

[3]

[4]

[5]