Geréja

Geréja St. Mata (St. Matthew) di Bayswater, Ostrali

Geréja (hurup Arab Gundul: ݢريج atawa ݢريجا) entu tempat ibadahnya orang Serani, baè' deri pèrkah Protèstan atawa Katolik. Kata "geréja" di basa Betawi diambil deri basa Portugis igreja, nyang asalnya deri basa Latin ecclēsia, nyang juga' dari basa Yunani Kuna ἐκκλησία ekklēsía 'tempat ngumpul, petimbrungan'. Mangka, kalo diliat-liat, ni kata "geréja" sebenernya jadi has sebutan agama-agama Ibrahimiah bakal nyebut dia punya tempat ibadah. Contonya, orang Yahudi nyebut dia punya tempat ibadah di basa Ibrani בֵּית כְּנֶסֶת‎ bêṯ kəneseṯ 'ruma pekumpulan'; èn orang Islam – di basa Arab جامع jāmiʿ 'nyang ngamprogin'.