Gedong Bicara Betawi
Gedong Bicara[1] (hurup Arab Gundul: ݢدوڠ بچارا) atawa resminya Musium Sejarah Jakarta (hurup Arab Gundul: موسيوم سجارة جاكرتا) atawa sokanannya sekarang digero' Musium Patahilah (hurup Arab Gundul: موسيوم فتح الله) atawa Musium Palétéhan (hurup Arab Gundul: موسيوم فضيلة خان) entu gedong arca nyang adanya di Jalan Taman Patahilah, No. 1, Jakarta Kulon nyang jenggarnya – 1.300 m2 lebi.
Ni gedong dulunya jadi Gedong Bicara Betawi (Welanda: Stadhuis van Batavia) nyang dibikin tahon 1707–1710 atas Gubernur Jèndral Joan pan Horen punya perènta. Ni gedong mèmper ama Istana Dam di Amsteredam nyang kebikin deri gedong utama ama empyaknya dua biji di belètan ama bekulon, serènta gedong nyang dipaké bakal jadi kantor, ruang pengadilan, ama ruang-ruang bawah tana kanggo bui. Ari bulan 30 Maret tahon 1974, ni gedong entakonoh diresmiin ama Ali Sadikin jadi Musium Sejarah Jakarta.
Sejarah
[permak | permak sumber]Sejarah gedong
[permak | permak sumber]
Mulainnya, Gedong Bicara di Betawi dikeja taon 1620 di belètan Kali Besar. Ni gedong cuma tahan 6 taon sebelon marinya dibongkar bakal ngadepin serangan deri pasukan Sultan Agung taon 1626.[2] Bakal tukarannya, dibangun balik, dah, tu Gedong Bicara nyeng diperèntah ama Gubenur Jènderal Jan Pieterszoon Coen taon 1627. Tempatnya ada di daèrah Nieuwe Markt (Ni wayah Taman Patahillah).[3] Kalo ngiat catetan sejarah, Gedong Bicara ni nyeng kedua cuman tingkat satu èn dibangun terap kedua nyeng dilakonin terusannya. Taon 1648, keadaan Gedong Bicara beneran èlèk. Tanah di Betawi labil èn berat gedongnya ngeja ambeles muka tananya.
Buntutnya taon 1707, diperèntah ama Gubenur Jènderal Joan van Hoorn, ni gedong dibongkar èn dibangun balik maké pondasi nyeng sama. Perasmian Gedong Bicara ketiga dilakonin ama Gubenur Jènderal Abraham van Riebeeck tanggal 10 Juli 1710, dua taon sebelon ni gedong kelar semuanya.[3] Selama dua abad, Gedong Bicara Betawi dianggo jadi kantor amtenar Betawi. Selaènnya gè' dipaké jadi tempat College van Schepenen (Déwan Kotapraja) èn Rad Justisi. Mulanya sidang Déwan Pengadilan dilakonin di dalem bèntèng Betawi. Cuman dipindain ke belètan Gedong Bicara èn terus dipindain ke Rad Justisi di taon 1870.[3]
Balai kota Batavia juga mempunyai ruang tahanan yang pada masa VOC dijadikan penjara utama di kota Batavia. Sebuah bangunan bertingkat satu pernah berdiri di belakang balai kota sebagai penjara. Penjara tersebut dikhususkan kepada para tahanan yang mampu membiayai kamar tahanan mereka sendiri. Namun berbeda dengan penjara yang berada di bawah gedung utama. Hampir tidak ada ventilasi dan minimnya cahaya penerangan hingga akhirnya banyak tahanan yang meninggal sebelum diadili di Dewan Pengadilan. Sebagian besar dari mereka meninggal karena menderita kolera, tifus dan kekurangan oksigen. Penjara di balai kota pun ditutup pada tahun 1846 dan dipindahkan ke sebelah timur Molenvliet Oost. Beberapa tahanan yang pernah menempati penjara balai kota adalah bekas Gubernur Jenderal Belanda di Sri Lanka Petrus Vuyst, Untung Suropati dan Pangeran Diponegoro.[3]
Buntut abad ke-19, Betawi mulain mingkin ngidul. Jadinya, Betawi ditaèkin jadi Haminté Betawi. Lantaran penjembaran Betawi, aktiwitèt di Gedong Bicara dipindain taon 1913 ke Tenabang Kulon (ni wayah jadi jalan Abdul Muis, No.35, Jaketera Sinterem) èn dipindain lagi ke Koningplén Sut taon 1919 (ni wayah jadi jalan Medan Merdeka Kidul, No.8-9, Jaketera Sinterem) sampé wayah gini.[4] Bekas gedong Gedong Bicara terusannya dijadiin kantor guwernemèn Jawa Kulon sampé taon 1942. Pas wayah Nipong, ni gedong dipaké bakal kantor pupulan barang-barang Dai Nipong. Abis Indonésia merdéka, ni gedong balik dipaké jadi Kantor Guwernewèn Jawa Kulon selaèn ditempatin jadi markas Komando Militèr Kota I sampé taon 1961. Abis tu, dipaké jadi Kantor Guwernemèn Peropinsi DKI Jakarta. Taon 1970, bekasi Gedong Bicara Betawi nyeng dijadiin gedong cagar budaya.[5] Abis tu, Gubenur DKI Jakarta wayah Ali Sadikin dipuger semua gedongnya èn diresmiin tanggal 30 Maret 1974 jadi Musium Sejarah Jakarta.
Kaya' lumberahnya di Éropa, Gedong Bicara dipenuin ama lapangan nyeng digero' Stadhèsplén. Ngiat ke hatu gambar nyeng dikeja ama Johannes Rach, di tenga tu lapangan gabeleg pancoran nyeng jadi hatu doangan sumber aèr bakal masarakat situ. Tu aèr asalnya deri pancoran Gelodog nyeng dijunterungin ama paralon ke Stadhèsplén. Cuman, tu pancoran longit abad ke-19. Taon 1972, diadain lagi galian bakal tu lapangan èn nemuin pondasi pancoran lengkep ama paralonnya. Lantaran tu, bukti tu sejarah bisa dikeja lagi kaya' gambar Johannes Rach, terus kekeja tu pancoran di tenga Taman Patahillah. Taon 1973, Guwernemèn DKI Jakarta jadiin tu taman èn namain tu "Taman Patahillah" bakal jadi kenangan deri pendiri Jaketera (Palétéhan).
Ruju'an
[permak | permak sumber]- ↑ Saidi, Ridwan. (2003). Romansa Batavia: Puisi Tanah Betawi. Lembaga Kebudayaan Betawi. h. 109. Bakal ngebèdain ama 'gedong bicara' (Indonésia: balai kota) nyang umum, ni gedong ditulisnya paké G gedé ama B gedé jadi Gedong Bicara.
- ↑ Schets van de verlegging der Rivier van Batavia in 1632.
- ↑ a b c d A. Heuken SJ. Tempat-tempat Bersejarah di Jakarta. Cipta Loka Caraka, 2015. ISBN 974-602-70395-7-5
- ↑ "Gedung Balai Kota". Diarsipin deri nyang asli tanggal 2016-11-07. Dipungut 2017-01-27.
{{cite web}}: Unknown parameter|dead-url=ignored (|url-status=suggested) (pertulungan) - ↑ "Jakarta History Museum". Indonesia Tourism. IndonesiaWebPromotion. Dipungut 2009-12-29.