Gado-gado Bon Bin
Gado-gado Bon Bin nya entu lestoran nyang ngejogrok di Cikini, Jakarta Pusat. Restoran ini kesohor lantaran atu-atunye nyang jual gado-gado siram khas Jakarta nyang dia punya bumbu entu beda ama gado-gado nyang bumbunya ulek. Enni tempat salah satunye nyang paling legendaris nyang bisa ditemuin punya cita rasa yang khas. Dinamain Gado-Gado Bonbin lantaran dulunya Cikini entu kebon binatang nyang pindah ke Ragunan waktu 22 Juni 1966.[1] Lantaran ngikutin jaman sejak taon 1960-an, nyang punya enni warung kagak jualan gado-gado doangan.
Nyang punya mulai ngembangin dagangannya, nambahin menu macem rujak ama asinan. Pas taon 1970, kata nyang punya warung gado-gado, makin banyak pegawai kantor pada dateng mau dibikinin makanan nyang rada berat, macem nasi. Dari situlah akhirnya, nasi rames sama lontong cap go meh ikutan nongol.[2] Gado-Gado Bon Bin entu rame terus, lantaran nilai nostalgia nyang bikin pengunjung ngerasa kesan sama rasa nyang otentik bener. Warung ini juga bisnis keluarga nyang udah jalan turun-temurun ampe ude masuk generasi kedua. Rasa gado-gadonya sama makanan laennya kagak pernah berubah dari pertama kali die buka. Nyang paling nendang dari Gado-Gado Bon Bin itu bumbu kacangnya. Bumbunya dari kacang tanah Vietnam nyang disangrai terus dikupas duluan. Itu yang bikin tekstur bumbunya alus, kagak pait, dan kagak kelewat kentel.[3]