Gabus pucung
Gabus pucung nya'entu lau' sayur khas Betawi nyeng kuahnya item kaya' kuah rawon. Pucung entu nama basa Betawi bakal kluwek. Mentak sayur gabus pucung entu sayur ikan gabus nyeng dipucungin. Enni juga punya sebab di mana-mana daérah ada juga nyeng nyebut sayur gabus dipucungin. Rasanya asem seger ama ada rasa khas deri pucungah. Kuahnya entu bisa kentel bisa juga èncèr.
Enni daharan emang rada susah ngolahnya. Kalu salah-salah baé entar pucungah bisa-bisa pait, alatan ora kabèh pucung bisa dipaké. Mentak orang Betawi apal ama pucung nyeng kaya' gimana nyeng bisa bakal disayur pucung, nya'entu nyeng udah item atawa coklat, ora pait, lagi bé rada èncèr. Selaèn entu, pas nyiangin ikan gabusah gé kudu leken. Kudu beresih bener ampé putih entu kulitah bagèn ora bau amis atawa bau belokan.
