G-Friend

GFriend (hurup Hangel: 여자친구, Yeoja Chingu) nya'entu paguyuban gending Koréa wayah gini wadon deri Koréa Kidul nyeng dikeja ama Source Music taon 2015^[1]. Dia debut (tampil perdana) tanggal 15 Januari 2015. Album pertamanya nya'entu Season of Glass. Paguyuban eni gableg orang enem, nya'entu (deri nyang paling kolot) Sowon, Yerin, Eunha, Yuju, SinB, ama Umji. Sepegimana paguyuban laèn, paguyaban eni juga gableg paguyuban pendemen nyeng namanya Buddy. GFriend sempet bubar taon 2021 tapi kongkow lagi en keja gending baru Januari 2025.

Sejarah

Sebelon tampil perdana

Sebelon ngumpul jadi paguyuban, GFriend punya orang ada macem-macem dia punya gawean. Ada orang lima nyeng jadi trainee di banyak tempat. Sowon udah empat taon gawe jadi trainee di DSP Media. Kalo SinB lima taon di BigHit Entertainment en Yerin ame Yuju di Cube Entertainment. Eunha malah gawe jadi trainer atawa pelatih di Loen Entertainment. Laen pasal Umji, dia nemu di jalan ame Source Music punya CEO, So Sung-Jin terus nyuruh Umji ikut audisi.

2015: Tampil Perdana en keja album Season of Glass ama Flower Bud

Tanggal 15 Januari 2015, GFriend rasmi tampil perdana dengen gendingnya Glass Bead^[2]. Besokannya, Gfriend promosiin albumnya nyeng judulnya Season of Glass^[3].

Enem bulan abis entu, dia keja album lagi namanya Flower Bud dengen gending andalannya nya'entu Me Gustas Tu^[4]. Gending eni nyeng bikin Gfriend akirnya kesohor.

7 September 2015, Yuju jatoh lapan kali pas lagi tampil^[5] gegara panggungnya licin banget, tapi entu malah bikin dia mingkinan kesohor gegara tetep propesional walo jatoh mulu.

2016: Nguarin album Snowflake ame LOL

25 Januari 2016, dia nguarin album Snowflake nyeng gending andalannya "Rough". Enih itu sambungannya lagu "Glass Bead" ame "Me Gustas Tu". Jadi tiga gending enih ceritanya nyambung atawa dipanggil trilogi. Di 2016 enih, GFriend mulayi banyak menangin penghargaan juga banyak dapet piagem.

29 Juni 2016, dia nguarin lagi album LOL nyeng gending andalannya "Navillera". Gending eni juga pan sukses banget.

2017: Album The Awakening ame Parallel

23 Februari 2017, Source Music aru-aruin kalayak kalo GFriend bakal balik tanggal 6 Maret. Malah tanggal 27 Februari, dia nguarin mini album The Awakening nyang gending utamanya "Fingertip".

Enem bulanan abis entu, GFriend nguarin mini album lagi nyang namanya Parallel ame gending utamanya "Love Whisper". Video musiknya ditonton lebih deri tujuh juta kali dalem waktu 24 jem^[6].

13 September, Gfriend nguarin album kemas ulang nyang judulnya Rainbow terus gending utamanya "Summer Rain".

2018: Konser dan tur Asia pertama, nguarin album Time for the Moon Night, Sunny Summer, ame Memoria

Tanggal 6 dan 7 Januari, GFriend nyablak kalo mereka mau keja konser solo pertama nyang judulnya "Season of GFriend". Abis entu, dia juga keja Tur Asia pertama deri Taiwan, Filipina, terus ke Hong Kong.

23 Februari, GFriend udah teken kontrak ama perusaahan rekaman dari Jepun, King Record, buat tampil perdana di Jepun bulan Mei. Gending "Me Gustas Tu" bakalan ada persi basa Jepunnya.

13 April, Source Music keja lagi mini album judulnya Time For the Moon Night. Gending ini juga banyak dapet penghargaan.

19 Juli, dia juga keja mini album Special Summer judulnya Sunny Summer.

10 Oktober, abis keja tampil perdana di Jepun, dia nguarin album basa Jepun pertama nyang judulnya "Memoria".

Anggota

Sowon (소원)
Yerin (예린)
Eunha (은하)
Yuju (유주)
SinB (신비)
Umji (엄지)

Ruju'an

[1] ttps://archive.ph/20170105172440/http://mwave.interest.me/en/kpop-news/article/85237/new-rookie-group-gfriend-makes-debut-with-glass-bead-mv

[2] ttps://www.chosun.com/site/data/html_dir/2015/01/14/2015011400705.html

[3] ttps://www.kpopstarz.com/articles/164668/20150117/gfriend-off-to-a-good-start-with-glass-bead-debut.htm

[4] ttps://starjn.com/sub_read.html?uid=39702

[5] ttps://time.com/4024228/k-pop-gfriend-fall-korea-yuju/

[6] ttps://www.soompi.com/article/1020787wpp/gfriends-love-whisper-gains-amazing-views-24-hours

[1]

[2]

[3]

[4]

[5]

[6]