Èsai
Èsai nya entu jenis tulisan singget nyang gambarin cara deleng ape argumen penulis tentang suatu topik ketentu. Èsai sering kali sipatnya subjektip, mungkinin penulis buat nyampaiin pemikiran, ide, ape pengalaman pribadi orang entu. Bentuk ama tujuan entu esai punya banyak macemnya, mulai dari naratip nyang nyeritain pengalaman pribadi, deskriptip nyang ngegambarin objek ape peristiwa, ingge argumen nyang ngedebatin gagasan ape posisi ketentu.[1] Nurut Kamus Besar Bahasa Indonesia (KBBI) esai entu karangan prose suatu urusan se sepintes lalu dari sudut pandeng penulis die. Perlu diketahui kalo bentuk penulisan essay entu “esai”, bukan “essay” ape “esay” ape “essai”.
Malah nurut tauan jurnalistik, pengertian essay entu tulisan nyang muat pendapet seseorang tentang suatu persoalan ditinjok se subjektip.[2] Èsai punye struktur keorganisir nyang baek. Dimule ama penganter nyang ngenalin topik ama nyajiin argumen utama, diikuti ame isi èsai nyang ngembangin argumen entu ama bukti ape contoh, ama diberentiin ama kesimpulan nyang ngerangkum poin-poin penting iring mungkin ngasiin pandengan ape saran buat mase depan. Gaya ama nade èsai dapet beagam, kegantung di tujuan ama audiens die.[3]