Daharan Indonésia

Tuladnya di makanan Sunda (èmang sebenernya kaga' cuman daharan Sunda doang nyang gini); ikan bakar, nasi timbel (nasi dibungkus daon pisan), ayam gorèng, sambel, témpé gorèng, ama tahu, serènta sayur asem; diangsrongin juga' kobokan ama jeruk tipis di dalemnya itu aèr.

Daharan Indonésia (hurup Arab Gundul: داهران اندونيسيا‎, Indonésia: Hidangan Indonesia) entu omplokan macem-macem terdisi daèrah punya daharan nyang ada di bilangan Nusantara. Ada segabreg-gabreg macem resèp èn masakan bahna Indonésia ada punya kurang lebi 6.000 pulo nyang dimukimin deri kabèhannya 17.508 pulo di kepuloan paling gedé seantéro dunia, dengen lebi deri 1.300 kaum (ètnis).

Ada ngejeprah daharan daèrah, seringnya dasaran makanan asli nyang kesawaban ama asing punya sawaban.