Cucut martèl

Tampang cucut martèl

Cucut martèl nya'entu cucut nyeng keitung dalem kulawarga Sphyrnidae. Atu jenisnya nya'entu Eusphyra, cuma ada atu macem, entu Esphyra blochii atawa cucut ronggèng.

Sembilan macem cucut martèl nyeng uda dinyahoin ada punya panjang antara 2 ampé 6 mèter, terus kabèh macem ada punya bentukan pala kaya martèl gèpèng kalo diliat deri atu sisi. Mata ama lobang idungnya ada di ujung pala.

Dia pada entu tukang mangsa nyeng ganas bakal makanin iwak, pari, cumi, ama udang. Dia pada ketemu di peraèran nyeng anget ngikut ke panté ama paparan benua.

Bentuk pala nyeng kaya' martèl ngeja dia pada gableg belok nyeng bener. Kaya' semua cucut, cucut martèl ada punya pori macem sènsor electrolocation nyeng disebut ampullae of Lorenzini. Cucut martèl gableg nyari mangsa nyeng baè'an caranya nyebarin reseptor ke macem-macem tempat. Ni cucut bisa engein sinyal lèstrik separo miliar volt. Pala nyeng bentuknya kaya' martèl juga' ngasi mangpaat kaya' penciumannya nyeng lebi luas, ningkatin kemungkinan bakal nemuin partikel aèr paling sedikit 10 kali deripada cucut laèn nyeng biasa. Ni pala bentuknya bisa dibayangin kaya' antèna bakal serangga.

Cucut martèl ada punya mulut nyeng kecil terus kaya'nya ngelakonin banyak bottom-hunting. Dia pada seneng mbentuk paguyuban di siang ari, kot-kotan dalem kelompok lebi deri 100. Soré ari, kaya' laèn cucut, dia pada jadi pemburu sorangan.

Kawin

Cucut martèl kawin setaon sekali. Cucut martèl sekali mberojolin anak bangsa 20 ampé 40 anak. Perkawinan cucut martèl entu kasar banget. Cucut nyeng lanang bakal nyakot nyeng wadonnya ampé dia meneng, ampé-ampé ngeja tu kawinan kejadian. Ga' kaya' kebanyakan macem cucut, cucut martèl pas kawin entu di dalem jadinya ngeja lingkungan jadi aman bakal peju bisa lebur bareng sèl telor. Orog njenggar dalem ari-ari wadonnya terus dikasi makan liwat tali puser, sama kaya' héwan nètè'. Wayah buntingnya deri 10 ampé 12 bulan. Abis beranak, induknya ga' tinggal bareng ama anaknya ngeja tu bocah cucut ngurus dirinya sendèwèk. Rèkor dunia bakal cucut martèl wadon nyeng lagi bunting ditangkep di Boca Grander, Plorida, Amrik Serèkat tanggal 23 Méi 2006 nyeng beratnya 580kg. Ni cucut lagi bunting 55 anak.

Méi 2007, cendekiawan nemuin kalo cucut martèl bisa kawin sendèwèk liwat kawin sonder bejima'. Tu cucut ada punya kemampuan bakal nyuburin dia pada punya endog sendèwèk.

Macem

Gerombolan hiu martil, Pulo Serigala, Pulo Galapagos

Deri sembilan macem cucut martèl nyeng dinyahoin, tiga entu ganas bakal orang: scalloped hammerhead, great hammerhead, ama smooth hammerhead.

Cucut martèl di Atlantis Paradise Island

• Jenis Sphyrna
  • Anak-jenis Sphyrna
    • Cucut martèl gigi (En: Scalloped hammerhead, Sphyrna (Sphyrna) lewini (Griffith & Smith, 1834)
      • "Cryptic scalloped hammerhead"—Scalloped hammerheads ga' taunya kebagi dua macem nyeng béda, cuma belon ditetepin bédanya, tuh, apa.
    • ''Great hammerhead'', Sphyrna (Sphyrna) mokarran (Rüppell, 1837)
    • ''Smooth hammerhead'', Sphyrna (Sphyrna) zygaena (Linnaeus, 1758)
    • ''Whitefin hammerhead'', Sphyrna (Sphyrna) couardi Cadenat, 1951
  • Anak-jenis Mesozygaena
    • ''Scalloped bonnethead'', Sphyrna (Mesozygaena) corona Springer, 1940
    • ''Squarehead Shark'' Sphyrna (Mesozygaena) sp. listed on elasmo-research's list
  • Anak-jenis Platysqualus
    • ''Scoophead'', Sphyrna (Platysqualus) media Springer, 1940
    • ''Bonnethead'' atau shovelhead, Sphyrna (Platysqualus) tiburo (Linnaeus, 1758)
    • ''Smalleye hammerhead'', Sphyrna (Platysqualus) tudes (Valenciennes, 1822)

Lantaran cucut ga' ada balung nyeng termineralisasi terus jarang jadi posil, mangkanya cuma huntu nyeng lajimnya ditemuin jadi posil. Cucut martèl kaya'nya bejuntrung ama cucut carcharhinus nyeng beroba wayah tersier tengah. Lantaran gigi cucut martèl mirip ama cucut carcharhinus jadi susa bakal nentuin kapan wayahnya cucut martèl nongol pertamanya. Meureunan cucut martèl beroba wayah eosen, oligosen, atawa miosen awal.

Penduduk

Cucut martèl besar entu nyeng paling besar deri sembilan macem cucut martèl nyeng uda keieng. Ni cucut bolé numbu ampé 6 mèter panjangnya terus beratnya 5 kintal, cuma ukurannya kecilan kalo nyeng ditemuin, mah.

Ditemuin di peraèran nyeng iklimnya sedeng ama panas di seantèro dunia, jau di panté ama deket panté, cucut martèl sokanan keliatan dalem hijrah musim panas bakal nyari aèr nyeng atisan. Cucut martèl warnya abu-abus cokelat ampé ijo jétun di atas ama bawanya puti pucet, terus ada punya gigi bentuk segitiga. Sirip gegernya tinggi ama runcing jadi gampang dikenalin.