Crash Bandicoot
Crash Bandicoot entu rèrodan gim delengan nyang awalnya dibuat ama Naughty Dog khusus buat konsol Plèstisennya Sony. Rèrodan ni dah punya banyak rilis nyang dibuat ama banyak pembuat én rilis di banyak pendaringan. Rèrodan ini banyak nyang bentuknya gim pendaringan, tapi ada nyang bentuknya balap én gim bareng-bareng. Rèrodan ini awalnya dibuat ama Universal Interactive nyang ntar jadi Vivendi Games. Vivendi Games ini gabung ama Activision nyang akhirnya punya ama rilis ni rèrodan.
Gim ini biasanya ada di Kepuloan Wumpa nyang kagak ada, tapi ada juga nyang di tempat lain. Kepuloan Wumpa ini ada di kidulnya Ostrali nyang penghuninya manusia én héwan jadi-jadian. Orang baik gim ini entu bandicoot nyang genetiknya udah dipermak, namanya Crash. Karakter jahat gim ini, Doctor Neo Cortex, sering nyoba matiin Crash karena Crash sering gangguin rencananya dia.
Penerimaan
[permak | permak sumber]Rèrodan Crash Bandicoot entu sukses nyari duit. Dari 2007, rèrodan ini dah kejual 40 juta seantéro dunia[1] dan hasilin ampè $1 miliar.[2] Menurut Gamasutra, gim kesatu Crash Bandicoot udah kejual 6,8 juta ampé November 2023[3], nyang buat dia jadi gim paling banyak kejual nomer sepulu di Plèstisen. Cortex Strikes Back udah kejual 3,85 juta kali di Amrik Serèkat,[4] én Warped kejual 3,74 juta kali.[4] Dua gim terakhir di Plèstisen, Crash Team Racing én Crash Bash, udah kejual 1,9 én 1,1 juta kali di Amrik Serèkat.[4] Sony bilang kalo empat judul awal udah kejual 20 juta kali seantéro dunia di Juli 2000.[5] Crash Bandicoot: The Warth of Cortex udah kejual 1,56 juta kali di Amrik Serèkat.[4]
Di 12 Pèbruari 2019, Activision bilang kalo N. Sane Trilogy udah kejual 10 juta kali dari awal dirilis di 2017.[6]
Rèrodan Crash Bandicoot entu salah satu gim delengan dari Kulon nyang sukses di Jepang. Cortex Strikes Back én Warped kejual 1,3 én 1,4 juta kali di Jepang,[7] sementara persi Plèstisen 2 Wrath of Cortex kejual 212.000 kali.[8]
Ruju'an
[permak | permak sumber]- ↑ "Sierra Ships Crash of the Titans". Vivendi. October 23, 2007. Diarsipin deri nyang asli tanggal March 4, 2008. Dipungut December 9, 2018.
- ↑ "Crash Bandicoot Returns to Mobile Phones in the Exciting New Adventure Crash of the Titans". Gamesindustry.biz. October 25, 2007. Dipungut November 21, 2022.
- ↑ Daniel Boutros (August 4, 2006). "Crash Bandicoot". A Detailed Cross-Examination of Yesterday and Today's Best-Selling Platform Games. h. 6. Diarsipin deri nyang asli tanggal October 18, 2006. Dipungut December 23, 2018.
- ↑ a b c d "US Platinum Videogame Chart". The Magic Box. December 27, 2007. Diarsipin deri nyang asli tanggal April 21, 2007. Dipungut December 23, 2018.
- ↑ "Naughty Dog Inc.'s Jak and Daxter: The Precursor Legacy™ Provides the Next Generation in Action-Adventure Gaming". Sony Computer Entertainment America Inc. July 18, 2000. Dipungut 2023-05-16.
- ↑ "Activision Blizzard Announces Fourth-Quarter and 2018 Financial Results". Activision Blizzard, Inc. (dalem basa Inggris). Diarsipin deri nyang asli tanggal February 13, 2019. Dipungut 2019-02-13.
- ↑ "Japan Platinum Game Chart". The Magic Box. Diarsipin deri nyang asli tanggal December 13, 2007. Dipungut December 23, 2018.
- ↑ "Sony PS2 Japanese Ranking". Japan Game Charts. Diarsipin deri nyang asli tanggalDecember 30, 2008. Dipungut December 23, 2018.
{{cite web}}: CS1 maint: unfit URL (link)