Coko'
Coko' (hurup Arab Gundul: چوڪؤ) atawa pangkod pinang (hurup Arab Gundul: فڠكود فينڠ) atawa rongkod pinang (hurup Arab Gundul: روڠكود فينڠ) atawa panjat pinang (hurup Arab Gundul: فنجت فينڠ) entu adu-aduan nyang dilakoninnya tibang ngerongkod bongkot puun pinang (atawa puun laèn) nyang udah disèsèt ama diboréhin licin-licinan, entakanuh orang-orang pada gasik-gasikan nyomot barang-barang nyang disangsangin di atasnya. Ni adu-aduan, mah, sari-sarinya diadainnya pas lagi Tujubelasan. Ni adu-aduan èmang udah jadi orang kita punya kebiasaan nyang wakap atawa bekèn pas Tujubelasan.