Loncat ke isi

Chairil Anwar

Deri Wikipédi, ènsiklopédi perdèo
Mukanya Chairil Anwar

Chairil Anwar (brojol 26 Juli 1922 - Wapat 28 April 1949) nya'entu tukang syair kesohor Indonésia nyang dijulikn Si Binatang Jalang (deri dia punya karya nyang judulnya "Aku"). Die diperkirain ude nulis 96 karya, termasup 70 puisi. Barengan ama Asrul Sani dan Rivai Apin, dia ditandain ama H.B. Jassin jadi pelopornya Generasi '45 dan puisi wayah gini Indonésia.[1]

Chairil Anwar dulunya sekola di Hollandsch-Inlandsche School (HIS), sekolah dasar buat kaum pribumi pada wayah penjajahan Nèderlan. Kelar dari HIS dia lanjutin sekola lagi di Meer Uitgebreid Lager Onderwijs (MULO). Pas usia dia udah 18 taon, dia kaga' sekola lagi.[2] Chairil bilang pas usia 15 taon, dia udèh tekad bulet jadi seniman.[3]

Pas umurnya 19 taon kelar orang tuanya ceré, Chairil ama ibunya pindah ke Batavia (sekarang Jakarta) tempat dia kenalan ama dunia sastra. Walau udèh ceré, ayahnya tetep nafkahin dia ama ibunya.[4] Meskipun kaga' kelarin sekolahnya, dia gapè banyak basa asing kaya Inggris, Belanda, dan Jerman.[5] Dia ngisi waktu luangnya buat baca karya-karya tukang tulis antèrobangsa terkenal, kaya: Rainer Maria Rilke, W.H. Auden, Archibald MacLeish, Hendrik Marsman, J. Slaurhoff, èn Edgar du Perron. Entu tukang tulis pada ngaru-ngaruin dia punya cara serat langsung èn tatanan kesusasteraan Indonesia secara kaga' langsung.

Penyair

[permak | permak sumber]
Puisi Aku nyang dipajang di tembok di Leiden

Nama Chairil mulai kesohor dalem dunia sastra setelah mmuatin puisinya nyang judulnya Nisan pas taon 1942 nyang saat entu baru berusia 20 taon.[5] Hampir semua puisi dia ditulis ngikut soal kematian.[5] Tapi pas pertama kali ngirimin puisi-puisinya di majalah Pandji Pustaka bakal dimuat, banyak nyang ditolak karna dianggep terlalu sendèwèkan emen èn kaga' pas ama semangat Kawasan Kemakmuran Bersama Asia Timur Raya. Pas jadi tukang umruk Jepang di Jakarta, Chairil demen ama Sri Ayati. Tapi ampe wafat, Chairil kaga' berani buat ungkapin. Puisi-puisinya nyang beredar di atas kertas murah selama wayah pendudukan Jepang di Indonesia èn kaga' diterbitin sampè taon 1945.[5][6]

Makam Chairil di TPU Karet Bivak

Naasnya dia punya semangat buat puisi Chairil kaga' imbang ama kondisi badanya. Sebelon usinya 27 taon, udah paeh. Chairil wapat pas muda di Rumah Sakit Sébisét, Jakarta tanggal 28 April 1949. Penyebab wapatnya kaga' pasti, tapi dugaan lebih karna penyakit tèbèsè. Besoknya dia dimakamin di Taman Pemakaman Umum Karet Bivak, Jakarta.[5] Chairil dirawat di CBZ (RSCM) dari 22-28 April 1949. Tapi catetan deri rumah sakit, dia dirawat karena tipes. Mangkanya dia lama banget kena penyakit paru-paru èn infeksi yang ngeja dia makin paeh, sampe muncul ususnya pecah nyang bikin dia wapat. Pas wayahnya pèngèn pulang, dia ngingo soalnya dia anget èn insaf akan dirinya dia sambil ngucap, "Tuhanku, Tuhanku...". Dia wapat pas jam setengah tiga sore, 28 April 1949 dan dikuburkan keesokan harinya, diangkut dari kamar mayat RSCM ke Karet oleh banyak pemuda dan orang-orang Republikan termuka.[7] Kuburan dijiarahin ama rebuan orang dari wayah ke wayah. Hari wapatnya juga diingetin jadi Hari Chairil Anwar. Kritikus sastra Indonesia asal Nèderlan, A. Teeuw bilang "Chairil udah sadar bakal mati muda, kaya téma nyerah nyang ada dalem puisi judulnya Jang Terampas dan Jang Putus".[2]

Selama idupnya, Chairil udah seretin karya 94 buah, termasuk 70 puisi. Kebanyakan kaga' dipublikasiin sampè dia wapat. Puisi terakhir Chairil judulnya Cemara Menderai Sampai Jauh, diseret taon 1949,[3] sedangkan karyanya nyang paling kesohor judulnya Aku èn Krawang Bekasi.[4] Semua seretannya, baik nyang asli, diutakatik, atawa nyang dijiplak, dikumpulin dalem tiga buku nyang diterbitkan oleh Pustaka Rakyat. Kompilasi pertama berjudul Deru Campur Debu (1949), terus disusul ama Kerikil Tajam dan Yang Terampas dan Yang Putus (1949), én Tiga Menguak Takdir (1950), kumpulan puisi bareng Asrul Sani dan Rivai Apin.

Peninggalan

[permak | permak sumber]

Teeuw nyatet ampè tahun 1980 seratnya Chairil jau lebi banyak ketimbang penulis Indonésia laen. Kebanyakan berupa èsay dari para tukang tulis muda.[8] Teeuw ngegambarin Chairil jadi "penyair yang sempurna".[8]

Chairil punya karya udah ditarjimin ke banyak basa.[9] Tanggal lahirnya (26 Juni) dijadiin Hari Puisi Nasional,[10][11][12] tanggal wapatnya (28 April) diingetin jadi Hari Sastra (pada era 1950-an).[5][13] Walau ini ketetapan kaga' disambut ama semua tukang syair Indonésia, én sebagian kelompok netepin Hari Sastra sesuè tanggal brojolnya penyair laen kaya Abdul Muis, Pramoedya Ananta Toer, maupun HB Jassin.[14][15]

Chairil Anwar di dalam seni

[permak | permak sumber]

Seni rupa

[permak | permak sumber]

Di seni fotografi potret, potret Chairil Anwar tahun 1940-an (lih. di awal artikel ini) oleh fotografer tak kenal diaku jadi citra terbaik dia terbaik.

Sastra

[permak | permak sumber]

Dalem romannya Atheis (1949) sama Achdiat Karta Mihardja, salah atu wataknya Anwar entu seorang anarkis, nihilis, pemaèn wadon nyang kasar, udah diperkirain sama Chairil Anwar,[16] yang terkenal selaku anarkis individualis, kasar, dan suka main wanita.[5]

Budaya populer

[permak | permak sumber]

Dalam pèlem Ada Apa Dengan Cinta? (2002), salah atu biangnya, Rangga, ngebawa buku Aku karyanya Sjuman Djaya yang nyeritain hidupnya Chairil Anwar.[17]

Kontroversi

[permak | permak sumber]

Puisi hasil karya Chairil sempet ditudu asil nyontek[18] ama H.B Jassin. Dalem seratnya di Mimbar Indonesia nyang judulnya Karya Asli, Saduran, dan Plagiat ia ngebahas kemiripan puisi Karawang-Bekasi dengan The Dead Young Soldiers karya Archibald MacLeish. Namun, Jassin kaga' menyalahkan Chairil. Menurut dia, walaupun mirip tetep ada rasa Chairilnya. Sedangkan sajak MacLeish menurut Jassin, cuma jadi penyebab penciptaan.

Paranan

[permak | permak sumber]
  1. ↑ https://www.kompas.com/stori/read/2021/10/27/100000279/biografi-chairil-anwar-si-binatang-jalang?page=all#page2
  2. ↑ a b Teeuw, A. (1980). Sastra Baru Indonesia. J. 1. Ende: Nusa Indah. OCLC 222168801.
  3. ↑ a b Balfas, Muhammad (1976). "Modern Indonesian Literature in Brief". Di Brakel, L. F. (prm.). Handbuch der Orientalistik. J. 1. Leiden, Netherlands: E. J. Brill. ISBN 978-90-04-04331-2.
  4. ↑ a b Djamin, Nasjah; LaJoubert, Monique (1972). "Les Derniers Moments de Chairil Anwar". Achipel (dalem basa Prancis). 4 (4): 49–73. doi:10.3406/arch.1972.1012. ISSN 0044-8613. Dipungut 30 September 2011. {{cite journal}}: Unknown parameter |trans_title= ignored (|trans-title= suggested) (pertulungan)CS1 maint: unrecognized language (link)
  5. ↑ a b c d e f g Yampolsky, Tinuk (15 April 2002). "Chairil Anwar: Poet of a Generation". SEAsite (dalem basa Inggris). Center for Southeast Asian Studies, Northern Illinois University. Diarsipin deri nyang asli tanggal 2014-03-14. Dipungut 30-09-2011. {{cite web}}: Check date values in: |accessdate= (pertulungan); Invalid |ref=harv (pertulungan); Unknown parameter |dead-url= ignored (|url-status= suggested) (pertulungan); Unknown parameter |trans_title= ignored (|trans-title= suggested) (pertulungan)
  6. ↑ Departemen Penerangan Republik Indonesia (1953) hal.183.
  7. ↑ Sablonan:Aut (2013). Chairil Anwar: Pelopor Angkatan '45. Yogyakarta: Narasi. h. 47. ISBN 978-979-168-298-5.
  8. ↑ a b Teeuw 1980, hlm. 199.
  9. ↑ Teeuw 1980, hlm. 201.
  10. ↑ Hari Puisi Indonesa dideklarasikan di Pekanbaru 22 November 2012
  11. ↑ Deklarasi Hari Puisi oleh Sutardji Calzoum Bachri
  12. ↑ Hari Puisi Nasional
  13. ↑ Menggali Tradisi Hari Sastra Nasional, Sastra-indonesia.com
  14. ↑ Mari Merayakan Puisi
  15. ↑ Penolakan tanggal kematian Chairil Anwar diperingati sebagai Hari Sastra
  16. ↑ Maier, Hendrik M. J. (1996). ""I Felt like a Car without a Driver": Achdiat K. Mihardja's Novel Atheis". Di Littrup, Lisbeth (prm.). Identity in Asian literature. Studies on Asian topics (dalem basa Inggris). Richmond: Curzon Press. h. 129–150. ISBN 978-0-7007-0368-5. {{cite book}}: Unknown parameter |trans_chapter= ignored (|trans-chapter= suggested) (pertulungan); Unknown parameter |trans_title= ignored (|trans-title= suggested) (pertulungan) — hlm. 131.
  17. ↑ Kobani, Nizar (2022-07-31). ""AKU", CHAIRIL, DAN "AADC"". Mata Pelajar (dalem basa Indonésia). Dipungut 2024-04-09.
  18. ↑ Tempo.Co. Chandra, Bobby (prm.). "8 Kasus Plagiat yang Menghebohkan Indonesia". Tempo.co (dalem basa Indonésia). Dipungut 2016-12-18.
Didapetin deri https://bew.wikipedia.org/w/index.php?title=Chairil_Anwar&oldid=32745