Cekini, Mèntèng, Jakarta Sintrem
Cekini (hurup Arab Gundul: چکيني, Indonésia: Cikini, mah, kelurahan nyang adènyè di bilangan kecamatan Mèntèng di Jakartè Sintrem. Diè punyè kode pos entu 10330. Cekini, mah, deri jaman normal udè adè amè gedong-gedong jaman baholè jugè masing padè ngejogrok di sono. Ni utekan dimegarin jadi tempat penuju kelayaban (destinasi wisata) amè Jakartè punyè gubernemèn.[1]
Sejarè
[permak | permak sumber]Pas jaman Kumpeni, Cekini, mah, èmang bener-bener bilangan nyang laèn kendiri, dèh, bahnè èmang masupnyè, pan, ke Wèltepréden, atawè utekan nyang orang Peranji pating ngejogrok.
Radèn Salèh, gapènyè (maestro) tukang lukis amè orang gedongan, tau jadi tuan tanè gedéan di Cekini.[2] Tahon 1852, diè rancang, dèh, tuh, diè punyè "keraton" kendiri, nyang rancang gedongnyè kewangsitan amè Bèntèng Callenberg di manè diè tau nyanggrè pas diè ngayab ke Èropè sek. tahon 1844. Bahnènyè èmang di kulilingnyè bulakan mulu pating belatakan, sebagèan besarnyè dikejè taman ngablak, dèh, tahon 1862, terus ditutup pas abad seabisnyè.[3]
Tahon 1960, Taman Ismail Marjuki dibikin di tempat nyang dulunyè tau jadi kebon. Tu rumènyè ampé sekarang, jugè, masing dipaké jadi Rumè Sakit Cekini punyè gedong.
Tahon 1862, adè kebon deri rumènyè nyang diè bedalin terus dituker, dèh, tu kebon jadi derèntin amè taman ngablak namè "Planten En Dierentuin", nyang jadi pendulunyè Derèntin Cekini.
Tahon 1964, tu derèntin, pan, dipindain ke Ragunan. Na, mengkènyè, tahon 1968, Gubenur Ali Sadikin robè, dèh, tu derèntin jadi TIM. Di belakangnyè rumènyè si Radèn Salèh, adè jugè, dèh, tuh, gedong-gedong kolot (antik), kayè Biarè Rumè Sakit Cekini, nyang dibikin tahon 1906.
Liat jugè
[permak | permak sumber]Ruju'an
[permak | permak sumber]- ↑ "Taking a walk down history lane in Cikini". Tempo. Dipungut 18 Januari 2022.
- ↑ Iguchi, Masatoshi (28 Januari 2015). Java Essay: The History and Culture of a Southern Country (dalem basa Inggris). Troubador Publishing Ltd. ISBN 978-1-78462-151-3. Dipungut 18 Januari 2022.
- ↑ "Pioneer Between Worlds", National Geographic Indonesia, 2012.