Cakraningrat I
Cakraningrat I, atau nyang aslinya nama Radèn Prasèna, entu atu Adipati Madura nyang mimpin wilayah Medura Kulon. Dia sebenernya bawahan dari Kesultanan Mataram.[1] Pas Mataram lagi nyerang Surabaya ama Medura, enni Radèn Prasèna sebenernya ditugasin buat jagain wilayah Medura daèrah Sampang. Tapi, ujung-ujungnya dia mau diajak nyerah ama Rangga Gempol I, nya'entu panglimanya Mataram nyang èmang masih ada turunan Medura juga'.[2]
Abis entu, dia dikawinin, dah, ama putri keraton Mataram, terus dikasih gelar Cakraningrat I ama Sultan Agung. Lantaran dia penguasa bawahan, dia malah lebi sering ngetèm di keraton Mataram dibandingin di Madura dèwèk. Cakraningrat I mah èmang orangnya setia bener dah ama Sultan Agung seumur idupnya.[1]
Nah, pas tahun 1647, ada pemberontakan Pangeran Alit di Mataram. Dia ngelawan ama Sunan Amangkurat I, nyang kaga' laèn abangnya dèwèk nyang ngegantiin Sultan Agung. Cakraningrat I ama anak sulungnya, Radèn Demang Malayakusuma, gugur di alun-alun Plèrèd pas lagi ditugasin mademin keributan entu. Akhirnya, anaknya nyang laèn, Radèn Undagan, diangkat ama Mataram buat gantiin babanya pakè gelar Cakraningrat II.[1]
Paranan
[permak | permak sumber]- ↑ a b c Poesponegoro, Marwati Djoened; Notosusanto, Nugroho (2008). Sejarah nasional Indonesia: Kemunculan penjajahan di Indonesia, ±1700-1900. PT Balai Pustaka. ISBN 978-979-407-410-7.
- ↑ Satu, News (2020-01-29). "Sepenggal Kisah Pemerintahan Kabupaten Bangkalan Sejak Tahun 1905 | BANGKALAN". News Satu (dalem basa Indonésia). Dipungut 2023-08-27.
{{cite web}}:|first=has generic name (pertulungan)