Bolu kojo
Bolu Kojo nya'entu kué daèrah Sumatera Kidul èn daèrah sekulilingnya, utamanya Jambi, Rio, èn Bengkulu. Kata "kojo" asalnya deri kata "kemojo" nyeng artinya "frangipani". Dinamain pegitu soalnya bentuk tu kué punya loyang macem kembang frangipani. Ni kué sokanan ditanjain pas upacara terdisionil.
Bolu kojo dijadiin kué has Pelèmbang nyeng setimèwa soalnya jaman baheulanya, nih, ya, tu kué dijadiin jadi panganan orang-orang gedéan atawa sultan-sultan bakal gelar upacara agama kalo ga' kalo mau ngundang tamu kehormatan. Bolu kojo entu dikeja lantaran nyampurnya budaya Kumpeni ama Pelèmbang nyeng jadiin ni kué jadi has.[1]
Sokanan ni kué ditanjain wayah titèt barengan ama kupi. Bagèn ènak rasanya, ni bolu kojo dikeja maké endog bèbèk èn wanginya entu asalnya deri daon pandan nyeng dicampur ama daon suji jadinya ada punya rasa nyeng rada laèn. Bolu kojo sokanan ditanjain pas Lebaran èn tahlilan kalo ada nyeng wapat.[1]
Bolu kojo warnanya ijo lantaran gabregan pandan atawa daon suji, nyeng wanginya ngeja seger banget. Ora kaya' kué kebanyakan, ni bolu kojo gableg rasa-rasa nyeng manis èn legit bener.
Paranan
[permak | permak sumber]- ↑ a b Oktaria, Fatma Dwi; Idris, Muhamad; Suriadi, Aan (2022-08-02). "TINJAUAN HISTORIS AKULTURASI BUDAYA DALAM KULINER PALEMBANG SEBAGAI SUMBER PEMBELAJARAN SEJARAH". Kalpataru: Jurnal Sejarah dan Pembelajaran Sejarah. 8 (1). doi:10.31851/kalpataru.v8i2.8962. ISSN 2621-7058.