Bola keranjang

Permaènan antara tim Bulgari lawan tim Turki

Bola keranjang atawa basket entu gerak badan yang dimaènin ama dua tim (galibnya lima lawan lima) di pèlan persegi. Tujuannya tu ngemasupin bola ke dalem lawan punya keranjang di bagèan lawan. Pemaèn bola keranjang kudu gableg mantul-mantulin bola, lempar, lari ama lompat. Kalo bolanya masup, pontennya dua, tapi pontennya tiga kalo ditèmbak deri garis tiga-ponten. Kalo sepèler kebanyakan disentuh lawan, sepèlernya gableg dapet lèmparan perdèo nyang kalo masuk pontennya atu. Permaènan dibagi jadi empat seprapat, nyang panjangnya sepulu atawa dua belas menit, èn tim nyang menang ya'entu pontennya paling banyak. Kalo sekornya medu, bisa jadi ada tambahan waktu (overtime) sampé ada tim nyang menang.

Gerak badan ni atu nyang paling bekèn di dunia. Gerak badan enni dijebrolin ama James Naismith di Amrik Serèkat wayah taun 1891. Bola keranjang udah ada di Olimpiade semprakan taun 1936. Wayah kini ni gerak badan dimaènin tim lanang kè', tim wadon kè'.