Loncat ke isi

Bernadya

Deri Wikipédi, ènsiklopédi perdèo
Bernadya
Berojol
Bernadya Ribka Jayakusuma

(2004-03-16) Maret 16, 2004 (age 21)
Surabaya, Jawa Timur, Indonesia
Pegawéan
Taon getepnya2018–sekarang
Jalan gawé
Janrah
Alat gending
PabrikJuni
Bekas anggotaCeline & Nadya

Bernadya Ribka Jayakusuma, atawa nama bekènnya Bernadya (lair 16 Maret 2024), ya’entu penyanyi én penulis gending deri Indonesia. Dia mulai maén musik di 2016 pas ngikut jadi peserta The Voice Kids Indonesia usum pertama gabung ama tim Tulus. Pada 2018, bareng mpo’nya, dia ngebentuk grup musik duo Celine & Nadya.[1] Bernadya baru mulai berkarir sebagai penyanyi dewekan di bawah naungan perusahaan rekaman Juni Records di 2022 dan ngeluarin single solo debutnya berjudul “Apa Mungkin” nyang jadi bekén di pelampang sosial én ngebikin dia masuk nominasi Pendatang Baru Terbaik-Terbaik dalam Anugerah Musik Indonesia 2023.[2][3][4][5]

Bernadya entu penyanyi wadon dengen lagu paling banyak di tangga lagu Indonesia Songs nyang disusun ama Billboard dalam sepekan secara besamaan ya’entu sebanyak 7 lagu pekan 24 Agustus 2024.[6] Di pelampang Spotify, dia mecahin dua rekor pada hari nyang sama sebage’ artis nyang paling banyak didengerin dalam seari di Indonesia ama albumnya Sialnya, Hidup Harus Tetap Berjalan jadi album nyang paling banyak didengerin dalam seari di Indonesia.[7][8]

Keartisan

[permak | permak sumber]

Nulis gending én pengaruh

[permak | permak sumber]

Bernadya nulis dewek gending-gending nyang dia terbitin bahna dia lebih puas kalu nyanyiin gending nyang ditulis dewek.[9] Kalu ngebikin gending dia ngaku keinspirasi ama Taylor Swift, Niki, Tulus, en Raisa. Dia bilang kagum ama cara Tulus nulis dia punya lirik. Gendingnya Raisa pun dah jadi demenannya deri kecil.[10]

Dia belajar nulis deri SMP.[9] Mulanya dari dia gagal pas ngikut kompetisi nyanyi di tipi. Bernadya mutusin buat jajal les vokal ama instrumen piano biar nambahin kelihaiannya maen musik. Namun, ia akirnya kaga’ begitu demen belajar piano sampe akhirnya milih jajal gitar. Sejak deri itu, Bernadya belajar nulis gending sendewek nyang keinspirasi dari macem-macem ruju’an gending.[11]

Bernadya beken gegara gending-gendingnya nyang bertema romansa melankolis atawa patah ati. Dia juga lebih seneng ngebawain gending nyang sedih.[12] Bernadya ngaku kalu nulis gending kaga’ pake pormula kusus. Kata dia, semua gending nyang dia bikin asalnya dari pengalaman pribadi ama ada nyang keinspirasi dari orang laen. Dia juga nonton pelem buat ngasih ide cerita. Lirik gending nyang ditulisnya juga sering pake bahasa nyang sederhana, kayak bahasa seari-ari biar gending-gendingnya dimengerti ama Gen Z. Untuk nambahin ragem kata di gendingnya, dia juga banyak baca buku. Dia bilang kalu buku karya Marchella FP en Rintik Sedu jadi dua buku nyang banyak mengaruhin dia pas nulis gending. Bernadya bilang kalu dia nekenin pentingnya ketenangan batin pas nulis gending.[13][14][15]

Warna item jadi warna nyang sering dipaké Bernadya nampil

Penampilan

[permak | permak sumber]

Bernadya kalu mentas di panggung sering make baju item. Dia bilang, eni awalnya dari konsep gendingnya “Kata Mereka Ini Berlebihan” nyang lirik “baju hitamku tak pernah kusentuh lagi sejak hari itu, kau bilang warna gelap membosankan”. Buat dia, baju item entu gambaran perlawanan kalu dia kaga’ mikirin apa kata orang laen soal penampilannya.[16][17] Eni juga jadi penegesan kalu dirinya udah dame ama masa lalunya dengen make baju entu.[18]

Keidupan peribadi

[permak | permak sumber]

Sesudah lulus SMA di Surabaya én gabung ama label, Bernadya pindah ke Jakarta[19] én ngelanjutin pendidikan perguruan tinggi di Universitas Multimedia Nusantara program studi Film deri taun 2022, tapi nonaktif pada 2023.[20] Dia mutusin buat ngelanjut kuliah di Universitas Bina Nusantara Program Studi Manajemen maké metode pendidikan jarak jauh.[21]

Ruju’an

[permak | permak sumber]
  1. ↑ Haryadi, Malvyandie (3 Agustus 2021). Jonata, Willem (prm.). "Sukses di Spotify dan Youtube, Celine & Nadya Rilis Album Bertajuk Love, Youth, You". Tribunnews (dalem basa Indonésia). Diarsipin deri nyang asli tanggal 27 November 2021. Dipungut 6 Juli 2023.
  2. ↑ "Bersama JUNI Records, Bernadya Persembahkan Lagu Apa Mungkin". JPNN (dalem basa Indonésia). 23 September 2022. Diarsipin deri nyang asli tanggal 4 Oktober 2022. Dipungut 6 Juli 2023.
  3. ↑ Setianingsih, Dwi AS (4 April 2023). "Bernadya, Sedih yang Manis". Harian Kompas (dalem basa Indonésia). Diarsipin deri nyang asli tanggal 6 Juli 2023. Dipungut 6 Juli 2023. {{cite news}}: Unknown parameter |subscription= ignored (|url-access= suggested) (pertulungan)
  4. ↑ Zhafira, Arnidhya Nur (24 September 2022). "Bernadya rilis "Apa Mungkin" kisahkan soal "ghosting"". Antaranews. Diarsipin deri nyang asli tanggal 6 Juli 2023. Dipungut 6 Juli 2023.
  5. ↑ Ismalia, Syifa (25 Juni 2023). "Bernadya Tuangkan Isi Kepala Lewat EP Terlintas". Fimela (dalem basa Indonésia). Diarsipin deri nyang asli tanggal 25 Juni 2023. Dipungut 6 Juli 2023.
  6. ↑ "Week of August 24, 2024". Billboard. August 18–24, 2024. Dipungut August 21, 2024.
  7. ↑ Home; Terkini; News, Top; Terpopuler; Nusantara; Nasional; Terkini, Jogja; Politik; Peristiwa (2024-08-19). "Penyanyi Bernadya memecahkan dua rekor di Spotify". Antara News Yogyakarta. Dipungut 2024-08-21. {{cite web}}: |last3= has generic name (pertulungan)
  8. ↑ "Rekor! Bernadya Jadi Artis Paling Banyak Didengarkan dalam Sehari di Spotify - Billboard Indonesia" (dalem basa American English). 2024-08-19. Dipungut 2024-08-21.
  9. ↑ a b developer, mediaindonesia com. "Usai Apa Mungkin, Bernadya Rilis Mini Album Terlintas". mediaindonesia.com (dalem basa Indonésia). Dipungut 2024-08-28.
  10. ↑ “Goodcommerce”. "BERNADYA: BERMUSIK ITU MEDIA UNTUK MENYAMPAIKAN PESAN". www.froyonion.com (dalem basa Inggris). Dipungut 2024-08-28.
  11. ↑ "Apa Mungkin Bernadya Jadi Idola Baru?". JPNN.com (dalem basa Indonésia). Dipungut 2024-08-28.
  12. ↑ Times, I. D. N.; Priwiratu, Elizabeth Chiquita Tuedestin. "Kenapa Bernadya Selalu Bikin Lagu Galau?". IDN Times (dalem basa In-Id). Dipungut 2024-08-28.{{cite web}}: CS1 maint: unrecognized language (link)
  13. ↑ "Mengulik Proses Kreatif Bermusik Seorang Bernadya - Billboard Indonesia - Page 2" (dalem basa American English). 2024-08-22. Dipungut 2024-08-28.
  14. ↑ "Lagu Bernadya Ngehits di Kalangan Gen Z, Ini Cara Dia Ciptakan Lirik Menyentuh". Republika Online (dalem basa Indonésia). 2024-08-20. Dipungut 2024-08-28.
  15. ↑ "Merangkul Lewat Lagu, Bernadya Ungkap Inspirasi dan Kendalanya Merangkai Lirik". VOI - Waktunya Merevolusi Pemberitaan (dalem basa Indonésia). Dipungut 2024-08-28.
  16. ↑ "Kerap Gunakan Baju Hitam, Jadi Bentuk Pemberontakan Bernadya". suara.com (dalem basa Indonésia). Dipungut 2024-08-28.
  17. ↑ "Bernadya dan Alasan di Balik Baju Warna Hitamnya". kumparan (dalem basa Indonésia). Dipungut 2024-08-28.
  18. ↑ "Bernadya Beberkan Alasan Selalu Kenakan Busana Serba Hitam Dalam Setiap Penampilannya - Kapanlagi.com". www.kapanlagi.com. Dipungut 2024-08-28.
  19. ↑ developer, mediaindonesia com. "Lulus SMA Jadi Syarat Bernadya Gabung Juni Records". mediaindonesia.com (dalem basa Indonésia). Dipungut 2024-08-28.
  20. ↑ Muhammad Miko Prayoga. "Bernadya: Lebih dari Sekadar Suara Merdu, Ini Fakta-fakta Menariknya". www.soundsofconcert.com. Dipungut 2024-08-29.
  21. ↑ "BERNADYA RIBKA JAYAKUSUMA (2) - PDDikti". pddikti.kemdikbud.go.id. Dipungut 2024-08-28.
Didapetin deri https://bew.wikipedia.org/w/index.php?title=Bernadya&oldid=28737