Batu Tulis Pagaruyung III
Batu Tulis Pagaruyung III, atawa digero' juga Batu Tulis Kapalo Bukit Gombak I, nya'entu atu batu tulis deri wayah guwernemen Raja Adityawarman. Enni batu tulis diserat maké basa Sangskerta maké aksara Abis-Pallawa nyeng dikeja sloka. Enni batu tulis tuh ditemuin di Kapalo Bukit Gombak, Tanjung Emas, Tanah Datar, Sumatera Kulon. Wayah gini, enni batu tulis ditaro di Komplek Batu Tulis Adityawarman di Kota Batusangkar.
Rupa
[permak | permak sumber]Enni batu tulis tuh tinggi'nya 190 sènti, lèbar 66 sènti, ama tebelnya 15 sènti. Enni batu tulis diukir maké batu andesit nyang warnanya abu coklat. Entu batu tuh ngelonjor alami rupanya. Enni seratan tibang ada atu baris doang.
Isi
[permak | permak sumber]Tanggal Batu Tulis Pagaruyung III isinya tibang ada tanggalnya doang, nya'entu ari Soma tanggal 5 Suklapaksa bulan Kartika taon 1269 Saka, atawa tanggal 8 Oktober 1347 kalu nurutin almenak maséhi, mah. Enni taonnya boléh dapet deri asil baca candra sengkala dware rasa bhuje rupe nyeng ma'nanya gapura, ma'sut, tangan, tampang.