Batang Hari
Batang Hari (atawa Sungai Hari) nyang orang lebih kenal ama sebutan Sungai Batanghari entu sungai paling panjang di Pulo Sumatra nyang letaknye di Provinsi Jambi ama Sumatra Barat, Indonésia.[1]
Elmu Aer
[permak | permak sumber]Ujung deri Sungai Batanghari Ini sungai panjangnye kira-kira 800 km. Maté aérnye asalnye deri Gunung Rasan (2585 m),[2] terus nyang jadi ulu Batang Hari ini nyampe ke Danau Di Atas, nyang sekarang masuk wilayah Kabupaten Solok, Provinsi Sumatra Barat. Alirannye ngalir ke arah selatan nyampe ke daérah Sungai Pagu, sebellom belok ke arah ngetan (timur).
Aliran deri ini sungai ngelewatin macem-macem daérah nyang ada di Provinsi Sumatra Barat ama Provinsi Jambi, kayak Kabupaten Solok Selatan, Kabupaten Dharmasraya, Kabupaten Bungo, Kabupaten Tebo, Kabupaten Batang Hari, Kota Jambi, Kabupaten Muaro Jambi, ama Kabupaten Tanjung Jabung Timur, sebellom lepas ke lautan ngetan Sumatra deket Muara Sabak.
Di Batang Hari ini, banyak sungai laén nyang muaranye ke mari, di antaranye entu Batang Gumanti, Batang Bangko, Batang Sangir, Batang Momong, Batang Pangian, Batang Timpeh, Batang Siek, Batang Jujuan, Batang Tebo, Batang Tabir, Batang Tembesi, ama nyang laén-laén dah.
Daérah Aliran Sungai (DAS)
[permak | permak sumber]Batang Hari entu DAS nyang paling jembar nomer dua di Pulo Sumatra, nyakup luas daérah tangkapan aér (catchment area) kurang lebih 44.215 km². Sekitaran 76% wilayah DAS Batang Hari adanya di Provinsi Jambi, sisanye masuk ke wilayah Provinsi Sumatra Barat.[3]
Di belah tenggara, DAS Batanghari dampingan ama DAS Musi, ya'entu DAS nyang paling jembar nomer satu di Sumatra nyang luasnye nyampé 62.654 km². Kalo di belah barat laut, DAS Batanghari batesan ama DAS Indragiri nyang luasnye 23.089 km². Nah, DAS Musi, DAS Batanghari, ama DAS Indragiri ini tigé-tigényo muara ke pesisir panté ngetan (timur) Sumatra.
Kebalikannye, di punggung Pegunungan Bukit Barisan, DAS Batanghari batesan juge ama banyak DAS kecil di bagian ulunye. DAS-DAS kecil ini alirannye muara ke panté kulon (barat) Sumatra, kayak DAS Seblat, DAS Dikit, DAS Manjunto Selagan, DAS Indrapura, ama beberapa DAS laénnye nyang biasonye punya aliran nyang curam ama lebih péndék.