Batu Tulis Pagaruyung VIII
Batu Tulis Pagaruyung VIII (hurup Arab Gundul: باتو تولس فاݢرويوڠ ٨), nyeng juga' digero' Batu Tulis Ponggongan II (hurup Arab Gundul: باتو تولس فوڠݢوڠن ٢) [1] nya'entu batu tulis nyeng asalnya deri jaman raja Adityawarman, taon 1291 Saka atawa 1369 Maséhi.[2][3][4] Ni batu tulis bentuknya kaya' lumpang nyeng bentuknya kaya' pasagi panjang, dikeja deri batu lapili cokelat rada puti.[2] Lobang di tenganya nyeng dijadiin tempat bakal numbuk beras.[3][5][6] Tulisan di batu tulisnya ditulis maké basa Sangsekerta nyeng nyampur dikit ama basa Kawi, cuma maké aksara Sumatra Abis-Palawa,[7] nyeng ngampar di tiga muka batunya.[5]
Tu batu tulis isinya pupujian bakal raja nyeng baè' èn digambarin jadi kelairan separo déwa (gana).[3] Tanda taon Ratu Ganato Hadadi nyeng ditulis di tu batu tulis diartiin ama Budi Istiawan bakal nengerin taon 1368 Maséhi. Terus, de Casparis bacanya jadi taon 1238 Saka (1316 Maséhi) nyeng nyantol ama Raja Akarèndranwarman, bakal jadi pendahulu èn encangnya (Minangkabo: mamak) Adityawarman.[3]
Selaèn tilay sejaranya tu Batu Tulis Pagaruyung VIII uda jadi peranti bakal tarbiyah umum, utamanya ngenalin sejarah tempatat bakal orang anom, bareng-bareng ama laèn batu tulis di Komplèk Batu Tulis Adityawarman.[8] Ni batu tulis didaptarin jadi Warisan Budaya Nasional liwat SK (surat keputusan) Nomor 77/M/2019, nyeng dikuarin tanggal 12 Maret 2019 ama Kementerian Pendidikan dan Kebudayaan RI.[9]
Paranan
[permak | permak sumber]- ↑ Tjoa-Bonatz, Mai Lin. (2019). A View from the Highlands: Archaeology and Settlement History of West Sumatra, Indonesia (maké basa Inggris). ISEAS-Yusof Ishak Institute. ISBN 978-981-4843-02-7.
- ↑ a b Istiawan, Budi. (2006). "Selintas Prasasti dari Melayu Kuno" (PDF) (Èdisi 1) (maké basa Indonésia). Balai Pelestarian Peninggalan Purbakala Batusangkar (Wilayah Kerja Provinsi Sumatera Barat dan Riau): 39-40.
- ↑ a b c d Kozok, Uli. (2025). A 14th Century Malay Code of Laws: The Nitisarasamuccaya (maké basa Inggris). Institute of Southeast Asian Studies. hlm. 38. ISBN 9789814459747.
- ↑ Nur, Muhammad. (2014). "Raja Pagaruyung di Minangkabau dalam Perspektif Sejarah" (maké basa Indonésia). Analisis Sejarah. 5 (1). Labor Sejarah, Universitas Andalas: 47-67.
- ↑ a b "Prasasti Pagaruyung » Budaya Indonesia" (maké basa Indonésia). budaya-indonesia.org. Diakses tanggal 2025-08-18.
- ↑ Ikhsani, Siva Nur (2020-10-15). "Kerajaan Pagaruyung: Silsilah, Peta, Peninggalan & Keruntuhan" (maké basa Indonésia). Selasar. Diakses tanggal 2025-09-07.
- ↑ Kusumadewi, Sri Ambarwati. (2012). "Adityawarman (1347-1374 Masehi): Kajian Epigrafi" (maké basa Indonésia). Fakultas Ilmu Pengetahuan Budaya Universitas Indonesia. Disamper tanggal 2025-08-17.
- ↑ Kurnia, Febby Eka; Monanda, Roberto. (2015). Folklor Minangkabau: Mitos Batu-Batu dan Cerita Rakyat di Luhak Nan Tuo (PDF) (maké basa Indonésia). Padang: Suri (Surau Institute for Conversation). hlm. 35. ISBN 978-602-70688-3-4.
- ↑ "Daftar Cagar Budaya peringkat Nasional Tahun 2013-2022" (PDF) (maké basa Indonésia). Oktober 2022. Disamper tanggal 2025-09-19.