Ancol (ujud bumi)

Ancol^[1] entu tana naèk nyang nyodok ke tana pèndèk atawa aèr-aèran. Banyakan ancol, mah, kebentuknya deri cadas-cadasan nyang kaga' papas-papas, atawa tana tinggi nyang nyisa deri jepitan dua kali nyang ngamprok.

Dalem sejarah

Lantaran dia punya tempat di pinggiran daratan, ancol kena dipaké jadi sintrem pertahanan bawaan alam bakal ngadepin musu. Deri dulu-dulu ampé sekarang-sekarang, ada ngebadeg bèntèng ama kastèl dijejegin di atas ancol nyang dikulilingin aèr, biar kaga' gampang disatronin.

Tulad bèntèng nyohor nyang jejeg di atas ancol entu kaya' Bèntèng Namur di Bèlgi. Ni bèntèng ada nanggrak di amprokannya Kali Mas ama Kali Samber, èn udah jadi sintrem pertahanan deri abad ke-10. Entu kali di sekiterannya jadi grojogan alami nyang ngalingin tu bèntèng deri mana-mana musu nyang mao ngerangseg.

Ruju'an

↑ Batten, C. J. (1868). "Antjôl". De djoeroe basa Betawi: Eenvoudige Bataviaasch-Maleische woordenverzameling [Si juru basa Betawi: Kumpulan kata ringkes Melayu Betawi]. Betawi: H. M. van Dorp. h. 18.

[1] Batten, C. J. (1868). "Antjôl". De djoeroe basa Betawi: Eenvoudige Bataviaasch-Maleische woordenverzameling [Si juru basa Betawi: Kumpulan kata ringkes Melayu Betawi]. Betawi: H. M. van Dorp. h. 18.

[1]