Paguyuban Bangsa-Bangsa Asia Kidul-wètan

Paguyuban Bangsa-Bangsa Asia Kidul-wètan
Flag
Motto: Satu Visi, Satu Identitas, Satu Komunitas ("One Vision, One Identity, One Community")
Anthem: "The ASEAN Way"
Negara anggota ditunjukkan dengan warna hijau tua.
Kantor pusat	Jakarta, Indonesia 6°14′20″S 106°47′57″E
Largest city	Jakarta, Indonesia

Paguyuban Bangsa-Bangsa Asia Kidul-wètan (hurup Arab Gundul: فݢويوبن بڠس٢ اسيا کيدول ويتن; basa Ènggris: The Association of Southeast Asian Nations; singkatan: ASEAN; basa Èndonésa: Perhimpunan Bangsa-Bangsa Asia Tenggara) ya'entu atu paguyuban antérobangsa nyang dibikin ama Indonésia, Malésia, Singapur, Muang-Tay, èn Pilipènen 8 Agustus 1967. Entu wayah, Piètnam lagi ada punya masalah ama kuminis. Entu lima negeri juga ada punya masalah masing-masing. Lantaran begitu, ini lima negeri keja ASEAN bakal tujuan gabungan politik ama èkonomi. Ini paguyuban besintrem di Jakarta, Èndonésa.

Peta kawasan ASEAN

Aslinya ASEAN cuman ada punya lima anggota. Cuman mangkin ke sini mangkin banyak negeri nyang juga pèngèn ikut nimbrung ama ASEAN. Bruné Darusalam ikut nimbrung tanggal 7 Januari 1984. Piètnam ikut nimbrung tanggal 28 Juli 1995. Laos ama Birma ikut nimbrung tanggal 23 Juli 1997. Kemboja jadi negeri paling belakangan ikut nimbrung ama ASEAN, lantaran ikut joinan tanggal 30 April 1999. Timor Wètan tempatnya di Asia Kidul-Wètan, cuman kaga masup anggota tetep, lantaran cuman anggota pemanteng baé. Timor Wètan barengan ama Papua Giné Anyar pèngèn pisan masup jadi anggota tetep ASEAN.