Loncat ke isi

ADA Band

Deri Wikipédi, ènsiklopédi perdèo
ADA Band
Nama laèn
AsalJakarta, Indonesia
Janrah
Taon getep1996–sekarang
Pabrik
Artis beroyot
Pelampang jala
Anggota
Bekas anggota
ADA Band formasi awal


ADA Band (dulu namanya B To 90's) entu paguyuban gending pop rock asal Jakarta, Indonesia nyang resmi dibikin sama Ibrahim Imran (Biduan & Gitar), Eel Ritonga (Drum), Iso Eddy Himawarso (Keyboard & Synthesizer), Dika Satjadibrata (Bass), ama Krishna Balagita (Keyboard & Piano).

Dibikin tanggal 18 November 1996.[1][2] Wayah gini anggotanya Naga (biduan), Dika Satjadibrata (bassis), Marshal (gitaris), ama Adhy (drummer). Taon 2017, Donnie Sibarani (biduan) milih keluar dari ADA Band, alasannya puna jalan gawéan ndiri sekaligus ibadah di Gereja. Taon 2020, ADA Band resmi ngumumin Naga alias Indra Perdana Sinaga buat gantiin posisi Donnie Sibarani.[3] Meski begitu, Donnie Sibarani tetep bolehin lagu-lagu nyang dia ciptain dibawain sama ADA Band."

Jalan Gawé

[permak | permak sumber]

Kudunya (Pertama kali berojol) (1996–1997)

[permak | permak sumber]

ADA Band berojol taon 1996, dilakonin ama Ibrahim Imran (Baim - biduan & guitar), Suriandika Satjadibrata (Dika - bass), Iso Eddy Himawarso (Iso - keyboard & synthesizer), Krishna Balagita (Krishna - keyboard & piano) & Muhammad Abdu Elif Ritonga (Eel - drum).

Sebelom ganti nama jadi ADA band taon 1993, susanannya nyang ngumpul deri Herry (biduan), Baim gitar), Dika (bass), Iso (keyboardist & synthesizer) dan Eel (drum). Mereka belima sepakat bikin paguyuban gending pengiring buat main di kape ato hotel secara rutin dengan nama B to 90's. Nama B to 90's entu sendiri dikasih pas lagi ngisi acara di radio Prambors Jakarta. Taon 1994, Herry Soedayat (vokal) milih mundur terus bikin band yang namanya KIN. Sejak itu, Baim yang awalnya gitaris maju jadi vokalis utama sekalian tetap main gitar. Taon 1995, Krishna Balagita (Keyboard & Piano) ikutan gabung [4]

Pas 18 November 1996, Dika, Baim, Iso, Krishna, ama Eel resmi ganti nama jadi ADA Band. Nama ADA itu ndiri dicomot dari inspirasi ampli bass. Dika (bassis) pengen banget punya ampli bass merek ADA. Lantaran belom kesampean, mereka ganti nama paguyuban gendingnya jadi ADA Band. Alasannya kaga ribet, biar gampang diinget. Selaen entu, arti kata ADA sendiri maksudnya, biar karya-karya mereka bakalan selalu ada.

Pada taon 1997, Ada Band ngerilis album pertamanya nyang judulnya Seharusnya.[5] Lagu "Seharusnya" jadi andalan di album nyang paling duluan. Sayangnya, walo nama mereka udah lumayan dikenal gara-gara album ini, ada-adaan mereka sempet redup lantaran ngaso mayan lama. sampe-sampe, banyak nyang ngira kalo mereka udah bubar, jadi nama mereka pelan-pelan mulai dilupain.

Peradaban 2000 (Mula-mula retaknya) (1998–1999)

[permak | permak sumber]

Mereka ngeluarin album kedua, abis ngaso 2 taon. Album kedua ADA Band dikeluarin bulan Juli 1999 dikasih judul Peradaban 2000. Susunan mereka masih utuh yaentu, Ibrahim Imran (Baim Biduan & Guitar), Dika Satjadibrata (Dika Bass), Iso Eddy Himawarso (Iso Keyboard & Synthesizer), Krishna Balagita (Krishna Keyboard & Piano) & Elif Ritonga (Eel Drum).

Lagu kesohor di album enni di antaranya ‘Oughh...!!!’, ‘Bilakah?’, ‘Bawalah Anganku’, ‘Putih’, ama ‘Tinggalkanlah Cinta’. Nggak disangka, lagu 'Ough' laris di pasaran sampe kejual lebih deri 200 ribu kopi. Abis entu, BMG Music Malaysia nawarin ADA Band buat promosiin albumnya di Malaysia. Tapi, abis album kedua dikeluarin, Iso ama Eel milih cabut dari ADA Band.

Tiara (Rama masuk & Baim keluar) (2000–2001)

[permak | permak sumber]

Rama Yaya Moektio gabung jadi drummer baru gantian sama Eel. Pas nggarap album ketiga, ADA Band cuma punya 4 orang personel, yaitu Baim (Gitar & Vokal), Krishna Balagita (Keyboard & Piano), Dika Satjadibrata (Bass), ama Rama Yaya Moektio (Drum). Album enni pake sebagian efek gitar ama keyboard nyang lebih canggih, yang mereka pelajarin khusus buat album ini. Posisi drummer yang sebelumnya dipegang sama Eel Ritonga (Drum), sekarang digantiin sama Rama, selagi tempat Keyboardist nyang dulunya dipegang 2 orang, sekarang cuma dikerjain sendiri sama Krishna.

ADA Band ngeluarin album ke 3 bulan Maret 2001[6] judulnya Tiara.[7] Lagu kesohor nyang ada dialbum enni antara laen “Tiara”, “1000 Bayang”, “Salahkah ?”, “Terasa Indah Bersamamu”, & “Belenggu & Cinta”. Di album enni, ADA Band banyak ngadain promo tur ke kampung-kampung di Indonesia seperti Sumatra, Jawa & Kalimantan.[8] Bulan Desember 2001, Baim[9] Abis Iso ama Eel cabut dari ADA Band, sepeninggalan Baim, ADA Band sempet diisuin kebelah jadi dua kubu sampe dibilang udah bubar.[9]

The Best of ADA Band (2001–2003)

[permak | permak sumber]

Beberapa lama abis rilis album ketiga Tiara (2001), Baim ngundurin diri dari ADA Band terus ngeluarin album sendiriannya nyang judulnya Fresh ! (2002). Nyang mana hampir semua instrumen dimaenin sendiri ama dibantu Rama Yaya Moektio (Drum).

Abis beberapa kali ganti personel, ADA Band sempet ngaso kurang lebih 1 taon. Pergantian paling gede tentu aja gara-gara keluarnya Baim (Vokal & Gitar) di taon 2001.

Di taon 2001, ADA Band ngeluarin album The Best of ADA Band. Album enni isinya lagu-lagu paling bagus ADA Band dari 3 album pas Baim masih jadi vokalis ADA Band, yaentu album pertama Seharusnya (1997), Peradaban 2000 (1999) & Tiara (2001). Di album "the best" ini, ADA Band ngeluarin ulang lagu "Seharusnya" pake susunan musik baru. Shanty jadi pemeran video klip "Seharusnya" & video klipnya diarahin sama Oleg Sanchabakhtiar.

Metamorphosis (Bangkitnya ADA Band – masupnya Donnie & Marshal) (2002–2003)

[permak | permak sumber]

Abis hampir satu taon ngaso, di akhir taon 2002, ADA Band balik lagi ngegebrak pake susunan paling anyar, yaentu Krishna Balagita di keyboard ama piano, Dika di bass, Rama Yaya Moektio di drum, Marshal Surya Rachman di gitar (dulu dikenal jadi gitaris Dr.PM) & Donnie Sibarani di biduan. Pake susunan enni, ADA Band ngeluarin album "Metamorphosis" di taon 2003,[10] pake lagu gacoan kayak “Masih (Sahabatku Kekasihku)”, “Seberkas Kisah Lalu”, & “Manja”. ADA Band juga dapet pengakuan soal kebangkitan mereka kebukti dengan nongol di macem-macem ajang penghargaan musik, masuk daftar calon AMI Awards 2003 (di 4 kategori) sampe Clear Top 10 Awards 2003[11] (dalam 3 kategori). Selaen susunan baru, album enni juga ada di bawah label anyar yaentu EMI Music Indonesia.

Daptar Rekeman

[permak | permak sumber]

Album Studio: Sablonan:Utama

Ruju'an

[permak | permak sumber]
  1. ↑ "10 Band Retak dan Pecah Paling Fenomenal". Tabloid Bintang. 14 April 2010. Diarsipin deri nyang asli tanggal 2011-08-28. Dipungut 14 April 2010. {{cite news}}: Unknown parameter |dead-url= ignored (|url-status= suggested) (pertulungan)
  2. ↑ "Band Indonesia gonta-ganti personel". Inioke.com. Diarsipin deri nyang asli tanggal 2014-08-10. Dipungut 10 Maret 2011. {{cite news}}: Unknown parameter |dead-url= ignored (|url-status= suggested) (pertulungan)
  3. ↑ Soejoethi, Istihanah. Saputra, Aditia (prm.). "[[Donnie Sibarani]] Ungkap Alasan Keluar dari Ada Band". Liputan6.com (dalem basa Indonésia). Dipungut 14 Maret 2019. {{cite news}}: URL–wikilink conflict (pertulungan)
  4. ↑ "Profil Ada Band". Disctarra.com. Dipungut 8 Maret 2011.
  5. ↑ "Diskografi Ada Band". Ada Band. Dipungut 20 September 2015.
  6. ↑ Ada Band sibuk berkutat di studio rekaman, Disctarra.com, diakses 10 Maret 2011
  7. ↑ Ada Band jelang 2001 Dengan Rencana Besar, Disctara.com, diakses 7 Maret 2011
  8. ↑ Ada Band promo tour keliling Jawa, Lampung dan Kalimantan, Disctarra.com, diakses 8 Maret 2011
  9. ↑ a b Ada Band bubar? Baim maen sinetron Archived 2002-05-27 at the Wayback Machine, Tembang.com, diakses 4 Maret 2011
  10. ↑ [http://www.djwirya.com/news/index2.php?q=real4&id=37&artis=Ada%20Band Review Album Ada Band Metamorphosis, Djwirya.com, diakses 4 Maret 2011
  11. ↑ Clear top 10 awards live on indosiar Archived 2011-08-31 at the Wayback Machine, indosiar.com, diakses 3 Maret 2011
Didapetin deri https://bew.wikipedia.org/w/index.php?title=ADA_Band&oldid=28796