Ès brènèbon
Ès Brènèbon nya'entu penganan ès deri Menado, Sulawési Lor, nyeng bahannya kacang méra. Kata "Brènèbon" asalnya bruine bonen (kacang coklat atawa méra) nyeng asalnya deri basa Olanda. Masupnya ni kacang méra awalnya dibawa deri Amrik terus dibawa ke Éropa wayah abad ke-16 ama penjajah Spanyol, terus ujungnya nyebar ke Indonésia liwat Kumpeni Olanda semprakan taon 1600-an.[1]
Di Menado, ès brènèbon awalnya dikenalin jadi sop kacang nyeng gurih, nyeng isinya daging sampi atawa babi. Terus berapa wayah mulain diènakin bakal jadi penganan ès. Ni penganan sokanan jadi penganan kesukaan orang-orang wayah pentèr-pentèr sedeng panasnya lantaran bisa nyegerin. Mangkanya, ni ès gampang ditemuin di warung makan, warung pinggir jalan, atawa bisa dikeja dèwèk di ruma lantaran resèp nyeng ringkes.[2]
Ès brènèbon isinya kacang méra nyeng digodog lembèk, terus diranjain ama ès serut, sirop, ama susu kentel manis, coklat, ampé penganan nyeng gurih. Selaèn nyegerin, ni hidangan dinyahoin banyak nutrisi lantaran ngandut berapa mangpaat kaya' kalsium, jat besi, èn protèin pu'unan bakal jaga kekuatan badan pas wayah pentèr-pentèrnya.[3]
Paranan
[permak | permak sumber]- ↑ Admin (2019-03-16). "Asal Usul Sup Brenebon - Kelung" (dalem basa American English). Dipungut 2026-01-18.
- ↑ "Es Brenebon, Kacang Merah Khas Manado yang Menyegarkan". Indonesia Kaya. Dipungut 2026-01-18.
- ↑ "Es Brenebon: Minuman Khas Manado yang Manis & Menyegarkan". Negeri Kami (dalem basa American English). Dipungut 2026-01-18.